Stofnuð 1987
posted by JUBBBLASAMTÖKIN at 08:23
Jubbblasamtökin (jubbblasamtokin@hotmail.com) eru lista- og menningarsamtök, stofnuð 1987 af ungum mönnum í því skyni að efla veg bókmennta og annarrar menningu. Starfsemin lá niðri um skeið áður en hún komst á fullt 1995, þá voru haldnir reglulegir fundir, auk þess sem fréttablað, Albert kom reglulega út. Helstu mál samtakanna í seinni tíð hafa einkum verið lagabreytingar en lög þeirra eru vel á annan tug blaðsíðna. Æðstaráð Jubbblasamtakanna skipa: Garðar Jónsson forseti - er mikill menningarsinni og hefur til þessa áorkað miklu til listgyðjunnar en eftir hann liggja kvikmyndahandrit, teiknimyndasögur, vatnslitamyndir, ljóð, leiklistarferill o.fl. en Garðar starfar auglýsingatæknir. Elís Anton Sigurðsson framkvæmdastjóri fjármálasviðs og reikningshald - er þúsund þjala smiður þegar að listum og menningum kemur. Eftir hann liggja ljóð, kvikmyndahandrit, blaðamannaferill og skáldsagnalestur svo dæmi séu tekin. Elís starfar sem sorptæknir og fasteignabraskari. Helgi Jónsson aðalritari - hefur verið afkastamikill á menningarsviðinu, hann á að baki smásagna-, ljóða-, myndlista-, ævisagna-, teiknimyndasagna- og söngferil svo fátt eitt sé nefnt. Hann starfar sem kennslutæknir.
0 Comments:
Sendu inn athugasemd
<< Home